Բազմաթիվ օտարերկրյա գործընկերներ համերաշխություն են հայտնել Ռուսաստանին․ Լավրով

Հունիսի 24-ին Ռուսաստանում տեղի ունեցած իրադարձությունների ֆոնին բազմաթիվ օտարերկրյա գործընկերներ հեռախոսազրույցների ընթացքում համերաշխություն են հայտնել Ռուսաստանին։ Գործընկերները Պուտինին արտահայտել են իրենց աջակցությունը, վստահությունը, որ իրավիճակը կվերահսկվի։ Այս մասին RT-ին տված հարցազրույցում ասել է ՌԴ արտգործնախարար Սերգեյ Լավրովը։

Նա նշել է, որ ինքը ևս հեռախոսազրույցներ է ունեցել արտասահմանցի գործընկերների նախաձեռնությամբ, որոնք ևս աջակցություն են հայտնել։ «Մեզ խնդրեցին իրենց կոչերի մասին հրապարակավ չխոսել, ուստի փորձում ենք դա չանել։ Մենք հարգում ենք նրանց խնդրանքը»,- ասել է Լավրովը։

Սերգեյ Լավրովը նշել է, որ քննություն է ընթանում՝ պարզելու համար, թե արդյո՞ք ապստամբությանը ներգրավված են եղել արևմտյան հետախուզական ծառայությունները: Նա ապստամբությունը բնորոշել է անհանջող և ասել, որ դժվարություններ չի ստեղծի ընկերների հետ Ռուսաստանի Դաշնության հարաբերություններում:

Հիշեցնենք, որ «Վագներ» մասնավոր ռազմական ընկերության հիմնադիր Եվգենի Պրիգոժինը «արդարության երթ» էր անցկացնում դեպի Մոսկվա։ Սակայն Բելառուսի նախագահի հետ հեռախոսազանգից հետո դադարեցրել էր գործողությունները: